Bakı, 6 mart, AZƏRTAC 

Azərbaycan Respublikası Gənclər Təşkilatları Milli Şurası (NAYORA), Gənclər Fondunun dəstəyi və Azərbaycan Tələbə Gənclər Təşkilatları İttifaqının (ATGTİ) tərəfdaşlığı ilə gəncləri Dayanıqlı İnkişaf Məqsədləri (DİM) haqqında sorğuda iştiraka dəvət edir.
NAYORA-dan AZƏRTAC-a bildiriblər ki, “Dayanıqlı gələcəyin üçün fikrini bildir!” adlı sorğu DİM-lə bağlı planlaşdırılan layihələrin keyfiyyətini artırmaq, məlumatlılıq səviyyəsini ölçmək və vahid məlumat bazasını formalaşdırmaq məqsədi daşıyır.
NAYORA tərəfindən keçiriləcək sorğunun nəticələri gənclərin DİM haqqında məlumatlılıq dərəcəsinin ölçülməsi, DİM ilə bağlı fəaliyyət istiqamətlərinin seçilməsi, həyata keçiriləcək layihələrin sorğunun statistikası əsasında planlaşdırılması və reallaşdırılması və s. məqsədlər üçün istifadə olunacaq.