Azərbaycan Dövlət
İnformasiya Agentliyi

A
A
A
Sazlamalar

Xocalı soyqırımı ilə bağlı iğdırlı məktəblilər arasında keçirilmiş müsabiqələrə yekun vurulub

İğdır, 28 fevral, AZƏRTAC

Xocalı soyqırımının 27-ci ildönümü ilə bağlı Azərbaycan Qarsdakı baş konsulluğunun təşəbbüsü ilə İğdır-Azərbaycan Evi Dərnəyi (İAED) tərəfindən “Xocalıya ədalət!” devizi altında təşkil olunan şeir, inşa və rəsm müsabiqələrinin qalibləri mükafatlandırılıb.
AZƏRTAC xəbər verir ki, tədbirdə çıxış edən İAED-in sədri Sərdar Ünsal müsabiqələrə İğdır vilayətindəki liseylərdə təhsil alan 40-dan çox şagirdin qatıldığını bildirib.
Qaliblərin mükafatlandırılması mərasimində Xocalı soyqırımının dəhşətlərindən söhbət açılıb, faciə qurbanlarının xatirəsi yad edilib.
Müsabiqənin qalibləri İAED tərəfindən təltif olunub.

Sabir Şahtaxtı
AZƏRTAC-ın xüsusi müxbiri
İğdır

Xocalı faciəsi 2019-02-28 21:50:00