AZƏRTAC-ın xüsusi müxbiri “Türkiyənin səsi” radiosunda Xocalı soyqırımının səbəb və nəticələrindən danışıb
İstanbul, 27 fevral, AZƏRTAC
AZƏRTAC-ın Türkiyə bürosunun rəhbəri Sabir Şahtaxtı Xocalı soyqırımının 27-ci ildönümü ilə əlaqədar TRT-nin “Türkiyənin səsi” radiosunda çıxış edib.
AZƏRTAC xəbər verir ki, tanınmış jurnalist Sevda Mirzənin aparıcılığı ilə yayımlanan verilişdə S.Şahtaxtı Xocalı soyqırımının səbəb və nəticələri, saxta “böyük Ermənistan” ideologiyasının məqsədləri, erməni diaspor təşkilatlarının fəaliyyət istiqamətləri və s. barədə sualları cavablandırıb.
Verilişdə ümummilli lider Heydər Əliyevin xilaskarlıq missiyasından da bəhs olunub. AZƏRTAC-ın təmsilçisi tarixi faktlar və məntiqi mülahizələrlə əsaslandırıb ki, XX əsrin əvvəllərində qazı Mustafa Kamal Atatürk, Kazım Qarabəkir Paşa, Behbud bəy Şahtaxtinski və digərlərinin Naxçıvanı xilas etmək kimi şərəfli missiyalarını ötən əsrin sonunda ulu öndər Heydər Əliyev təkbaşına həyata keçirib. Naxçıvanın xilasında Türkiyə dövləti, hökuməti və xalqı yaxından iştirak edib. Bildirilib ki, əgər Heydər Əliyev 1993-cü ildə doğma xalqının imdadına çatmasaydı Azərbaycan bir dövlət kimi yox ola bilər və bu arzuolunmaz hal Türkiyəyə də problemlər gətirərdi.
Verilişdə, həmçinin Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət!” beynəlxalq təbliğat kampaniyası çərçivəsində görülən işlər barədə dinləyicilərə məlumat verilib.
Günel Məlikova
AZƏRTAC-ın xüsusi müxbiri
İstanbul
Xocalı soyqırımı şahidinin xatirələri holland dilində dərc olunub
Xocalı soyqırımının 32-ci ildönümü ilə bağlı ümumukrayna onlayn konfransı keçirilib
Dmitri Savelyev: Xocalı hadisələrinə soyqırımından başqa ad vermək çətindir
Xocalı faciəsi ilə əlaqədar Sloveniyanın paytaxtında maarifləndirmə aksiyası keçirilib
Parisdə “İşgəncələr məbədi - Şuşa həbsxanası” sənədli filmi nümayiş olunub VİDEO