Bakı, 26 fevral, AZƏRTAC
Bəşər tarixində ən qanlı cinayətlərdən biri olan Xocalı soyqırımının 27-ci ildönümü ilə əlaqədar fevralın 26-da Bakıda ümumxalq yürüşü keçirilib. Azərbaycan Milli Elmlər Akademiyası (AMEA) Yüksək Texnologiyalar Parkının (YT Park) nümayəndələri Xocalı soyqırımının 27-ci ildönümü ilə əlaqədar ümumxalq yürüşündə iştirak ediblər.
AMEA-dan AZƏRTAC-a bildirilib ki, YT Parkın direktoru Nazim Şükürov, direktor müavinləri Elxan Bayramov, Məmməd Bağırzadə və bu müəssisənin digər nümayəndələri Xocalı soyqırımı qurbanlarının abidəsi önünə tər çiçəklər düzüb, faciə qurbanlarının xatirəsini ehtiramla yad ediblər.