Moldova prezidentinin korteji yenə qəzaya uğrayıb
Kişineu, 22 fevral, AZƏRTAC
Moldova Prezidenti İqor Dodonun kortejindəki avtomobillərdən biri yol-nəqliyyat hadisəsi ilə üzləşib.
AZƏRTAC Interfax agentliyinə istinadla xəbər verir ki, hadisə xidməti səfər zamanı baş verib. Prezidentin mətbuat xidmətinin məlumatına görə, qarşıdan gələn avtomobilin sürücüsü ötüb-keçmə əməliyyatı zamanı yolun sürüşkən olduğunu yaddan çıxarıb.
Yol-nəqliyyat hadisəsi zamanı xəsarət alan olmayıb. Polis təhqiqat aparır.
Moldova prezidentinin kortejində bundan əvvəl də qəza baş vermişdi. 2018-ci il sentyabrın 9-da İqor Dodonun getdiyi “Mersedes” onun yoluna çıxan yük maşınına dəyərək aşmışdı. Qəza nəticəsində üç nəfər yüngül xəsarət almışdı.
Emil Hüseynli
AZƏRTAC-ın xüsusi müxbiri
Kişineu
Barselonada ekstremal quraqlıq hökm sürür
Fransa dövləti və Daxili Təhlükəsizlik Baş İdarəsi məhbusu necə manipulyasiya edib?
ABŞ-ın Ukraynaya yardımının ümumi məbləği 113 milyard dolları keçib
Ən varlı amerikalıların 1 faizinin sərvəti 44,6 trilyon dollara yüksəlib