Bu ilin ilk ixrac missiyası Çinə təşkil olunacaq
Bakı, 22 fevral, AZƏRTAC
İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə cari ilin ilk ixrac missiyası fevralın 25-də Çin Xalq Respublikasının paytaxtı Pekinə təşkil ediləcək.
Nazirlikdən AZƏRTAC-a bildirilib ki, missiyaya qida, şərab və digər spirtli içki istehsalı sahəsində fəaliyyət göstərən 16 Azərbaycan şirkəti daxildir.
Səfər çərçivəsində Azərbaycan iş adamları Çin şirkətləri ilə məhsulların ixracına dair müzakirələr aparacaq, potensial alıcılarla görüşəcəklər. Bununla yanaşı, Çin və Azərbaycan şirkətlərinin iştirakı ilə dəyirmi masa və Azərbaycan şərablarının dequstasiyası təşkil olunacaq.
İxrac missiyası martın 1-dək davam edəcək.
Elektroenergetika və bərpaolunan enerji sahəsində Texniki Komitə yaradılıb
İKTA operator və provayderlərə radiotezliklərdən səmərəli istifadəni tövsiyə edib
AMB: Ötən il ixracın 25,9 milyard dolları neft-qaz sektorunun payına düşüb VİDEO
Mərkəzi Bank: Ötən il Azərbaycandan xaricə birbaşa investisiya 3 milyard dollardan çox olub VİDEO