Dubay metrosunu robotlar yığışdırmağa başlayıb
Dubay, 21 fevral, AZƏRTAC
Dubayda robotlar metro stansiyalarında təmizlik işləri görməyə başlayıb.
AZƏRTAC yerli mətbuata istinadla xəbər verir ki, Dubayın nəqliyyat və yollar komitəsi süni intellektlə idarə olunan robotları ilk dəfə “Union” metro stansiyasında sınaqdan keçirib.
Test rejimində işləyən təmizləyici texnika ilk gündən onun insandan daha səmərəli işlədiyini göstərib. Bundan əlavə, metronun ərazisini təmizləmək üçün robotlar daha az su sərf ediblər. Belə robotların işləmə zamanı faktiki operator xidmətinə ehtiyac yoxdur və onları müxtəlif təmizləmə rejiminə proqramlaşdırmaq mümkündür.
Təmizləyici aparatlar proqramlaşdırılmış istiqamətdə getməsi və maneələri toqquşmadan keçməsi üçün sensorlarla təchiz olunub. Robotun hündürlüyü – 128 santimetrdir və onun 90 litr su daşımaq imkanı var.
Asya Hacızadə
AZƏRTAC-ın xüsusi müxbiri
Dubay
XİN: Macarıstan terrorizmi hər zaman qınayacaq
“Crocus City Hall”dakı terror aktında şübhəli bilinən daha bir nəfər saxlanılıb
Gürcüstanın Bakuriani bölgəsində baş verən qar uçqunu nəticəsində bir nəfər itkin düşüb
Netanyahu HƏMAS-ın “strateji aktivlərinə” həbs qoyulduğunu açıqlayıb
ABŞ Konqresinin nümayəndə heyəti Ankarada “F-16” tədarükü mövzusunu müzakirə edəcək