Fransa DİN: “Sarı jiletlər” etiraz aksiyasının 14-cü aktında 41 min 500 nümayişçi iştirak edib
Paris, 17 fevral, AZƏRTAC
Fransa Daxili İşlər Nazirliyinin məlumatına əsasən “sarı jiletlər”in etiraz aksiyasının 14-cü aktında 41 min 500 nümayişçi iştirak edib ki, onlardan 5 mini Parisdə olub. Paytaxtda 23 nümayişçi dindirilib. “İnvalid” meydanında nümayişçilər dağılaraq şəhərin küçələrinə səpələniblər. Ruan şəhərində avtomobilin nümayişçilərin üzərinə sürülməsi nəticəsində üç nəfər yaralanıb.
“Sarı jiletlər” hərəkatı başlayandan ilk dəfə olaraq nümayişlərin iki gün davam edəcəyi və aksiyaçıların fevralın 17-də yenidən küçələrə axışacaqları bildirilib.
Üç aydır davam edən nümayişlərdən yorulmalarına baxmayaraq, “sarı jiletlər” etiraz aksiyalarını davam etdirməkdə israrlı olduqlarını bildiriblər.
Şəhla Ağalarova
AZƏRTAC-ın xüsusi müxbiri
Paris
Rusiya XİN: Ermənistan quru yerdə qala bilər
Harvard Universiteti qədim kitabın cildindən insan dərisini çıxarıb
“Telegram”da yeni funksiyalar olacaq