London, 16 fevral, AZƏRTAC

Filosof, iqtisadçı və sosialist inqilabı nəzəriyyəsinin banisi Karl Marksın Londonun Highgate qəbiristanlığındakı məzarına növbəti dəfə vandal hücumu olub. Bu dəfə məzarın üzərinə "Nifrət doktrinası" və "Soyqırımı mütəxəssisi" sözləri yazılıb.
Qeyd edək ki, Marksın məzarına bir neçə dəfə belə hücumlar olub. Onlardan ən pisi 1970-ci ildə məzarın yaxınlığına bomba yerləşdirilməsi ilə bağlı insidentdir.
Məzara sonuncu dəfə bu il fevralın 4-də hücum edilmişdi.

Aynurə Tağıyeva

AZƏRTAC-ın xüsusi müxbiri
London