Hindistan Azərbaycan rəssamlarının gözü ilə
Bakı, 16 fevral, AZƏRTAC
Hindistanın Azərbaycandakı səfirliyində “Hindistan Azərbaycan rəssamlarının gözü ilə” adlı sərgi açılıb.
AZƏRTAC xəbər verir ki, Hindistanın Azərbaycandakı səfirliyi və Azərbaycan Rəssamlar İttifaqının dəstəyi ilə keçirilən tədbirin layihə rəhbəri Elnurə İsgəndərova, təşkilatçısı isə Aygün İsgəndərovadır.
Hindistanın ölkəmizdəki səfirliyinin müvəqqəti işlər vəkili Govindan Pacheni tədbiri açaraq, sərginin hər iki ölkənin mədəni əlaqələrinin daha da inkişaf etməsində önəmli rol oynadığını vurğulayıb.
Layihə rəhbəri Elnurə İsgəndərova çıxışında bildirib ki, sərginin açılmasına əsas məqsəd qədim sivilizasiyalardan olan Hindistanın və Şərqin qapısı adlandırılan Azərbaycanın - hər iki qədim və zəngin tarixi-mədəni irsə sahib olan ölkənin mədəniyyətlərinin daha dərindən öyrənilməsi və təbliğinə töhfə verməkdir.
Sonra çıxış edən Azərbaycan Rəssamlar İttifaqının qrafika şöbəsinin rəhbəri, Xalq rəssamı, professor Arif Hüseynov bu tədbirin ölkələrimizin mədəniyyətlərinin təbliğində rolundan danışıb.
Sərgidə təsviri sənətin bütün növləri üzrə 100 rəssamın 100-dən çox əl işi nümayiş etdirilib.
Sonda iştirakçılar diplom və təşəkkürnamələrlə təltif olunublar.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir