Almaniyada insanlıq əleyhinə cinayətlər törətməkdə şübhəli bilinən şəxslər saxlanılıb
Berlin, 16 fevral, AZƏRTAC
Almaniyada insanlıq əleyhinə cinayətlərdə əli olmaqda şübhəli bilinən iki suriyalı saxlanılıb.
AZƏRTAC xəbər verir ki, söhbət Suriya kəşfiyyatının keçmiş əməkdaşlarından gedir. Onlar 2011-2012-ci illərdə müxalifətçilərə qarşı işgəncələr tətbiq ediblər. Bir neçə il sonra Almaniyaya gedərək, orada siyasi sığınacaq əldə ediblər.
ZDF kanalının yaydığı məlumata görə, bir neçəsi hazırda Almaniyada yaşayan altı nəfər şübhəli bilinənlərin əleyhinə ifadə verib. Onların ifadələrinə görə, bu şəxslər müntəzəm olaraq müxalifətçilərə işgəncələr verilməsində və onların öldürülməsində iştirak ediblər.
Vüqar Seyidov
AZƏRTAC-ın xüsusi müxbiri
Berlin
Almaniyada kimlər daha çox pensiya alır?
Pasxa ərəfəsində Fransada təhlükəsizlik tədbirləri gücləndirilir
İsveçrənin hidrogen qatarı rekord vurub
Bu ilin fevralında Türkiyənin ticarət balansının kəsiri azalıb