Avrora şəhərində atışma nəticəsində 5 nəfər həlak olub VİDEO
Vaşinqton 16 fevral, AZƏRTAC
İllinoys ştatının (ABŞ) Avrora şəhərində atışma baş verib. Hadisə nəticəsində 5 mülki şəxs həlak olub, 5 polis işçisi müxtəlif dərəcəli xəsarətlər alıb. Şəhər polis idarəsinin rəisi Kristen Zimanın sözlərinə görə, 5 nəfəri güllələmiş 45 yaşlı Hari Martin polislərlə atışma zamanı öldürülüb.
AZƏRTAC xəbər verir ki, atışma “Henry Pratt” şirkətinin Çikaqodan 40 mil qərbdə yerləşən anbarında baş verib. Zimanın sözlərinə görə, yerli vaxtla saat 1:24-də 911 xidmətinə bu hadisə barəsində zəng daxil olub. 4 dəqiqədən sonra Avrora polisləri hadisə yerinə gəliblər. Polis rəisi qeyd edib ki, polislər hadisə yerinə gələndə onlara atəş açılıb.
Xüsusi təyinatlı dəstənin üzvləri anbar binasına daxil olandan sonra Martin tapılıb və zərərsizləşdirilib. O, odlu silah yaralarından elə yerindəcə keçinib.
Polis onu da bildirib ki, Martinin bu əməlinin motivi hələ aydın deyil.
Yusif Babanlı
AZƏRTAC –ın xüsusi müxbiri
Vaşinqton
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır