Yaponiyada naməlum şəxs Ehime prefekturasının qubernatorluğuna 100 milyon yen göndərib
Tokio, 15 fevral, AZƏRTAC
Yaponiyada naməlum şəxs ölkənin qərbindəki Ehime prefekturasının qubernatorluğuna 100 milyon yen (təqribən 910 min dollar) göndərib.
AZƏRTAC xəbər verir ki, yanvarın 29-da Ehime prefekturasının qubernatoru Tokihiro Nakamuranın ünvanına bağlama daxil olub. Kağız bağlamadan pul və məktub çıxıb. Naməlum şəxs məktubunda yazaraq xahiş edib ki, pullar xeyirxah işlərə sərf olunsun. Qeyd edib ki, bağlamanın üzərindəki ad və ünvan əsl deyil və o, adının gizli qalmasını istəyir.
Fevralın 14-də daxil olan bağlama barədə məlumat verən qubernator T.Nakamura bildirib ki, həmin pullar yəqin ki, kiminsə ömürboyu yığdığı vəsaitdir. Qubernator əlavə edib ki, prefektura rəhbərliyi bu pulları uşaqlara xidmətin yaxşılaşdırılmasına və ötən il leysan yağışlar nəticəsində zərərçəkən rayonların bərpasına yönəltməyi planlaşdırır.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır