Yapon şirkətləri külək energetikasının inkişafına maliyyə vəsaiti yönəldəcək
Tokio, 14 fevral, AZƏRTAC
Yaponiya Ticarət Evi və daha iki böyük maliyyə institutu ekoloji cəhətdən təmiz enerjinin istifadəsi perspektivlərinə böyük ümid bəsləyir.
AZƏRTAC Yaponiya KİV-lərinə istinadla xəbər verir ki, həmin şirkətlər sahil zonalarında külək energetikasının inkişafı məqsədilə birgə investisiya layihələrinə başlamaq niyyətindədirlər.
“Sumitomo Corporation” ticarət şirkəti, həmçinin “Sumitomo Mitsui Banking Corporation” maliyyə şirkəti və hökumətlə əlaqəsi olan Yaponiya İnkişaf Bankı bu ayın sonunadək yeni fond təsis etməyi planlaşdırırlar. Həmin şirkətlərin sahil zonalarda külək energetikasının inkişafına xidmət edəcək layihəyə 30 milyard yen (təqribən 270 milyon dollar) yatırmaq niyyətində olduqları bildirilir.
İlk belə “külək ferması”nın Böyük Britaniya sahillərində quraşdırılması nəzərdə tutulur.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır