Bakı, 14 fevral, AZƏRTAC

Türkiyə və Rusiya prezidentləri Rəcəb Tayyib Ərdoğan və Vladimir Putin arasında bu gün keçiriləcək danışıqların gündəliyində Suriyanın İdlib əyalətindəki vəziyyət, orada terrorçuların qalmaqda davam etməsi olacaq.
AZƏRTAC Rusiya KİV-lərinə istinadla xəbər verir ki, bu barədə jurnalistlərə Rusiya Prezidentininmətbuat katibi Dimitri Peskov bildirib.
Onun sözlərinə görə, Türkiyə, İran və Rusiya prezidentlərinin fevralın 14-də Soçidə baş tutacaq görüşündə Suriyanın konstitusiya komitəsinin formalaşdırılması, ABŞ-ın qoşunların çıxarılması barədə bəyanatından sonra bu ölkədəki vəziyyət və hələ də demilitarizasiya zonası yaratmağın mümkün olmadığı İdlib əyalətində işlərin gedişinin müzakirə ediləcəyi gözlənilir.