Roma, 14 fevral, AZƏRTAC
İtaliya millisinin şərəfini qorumuş yüngül atletika üzrə keçmiş dünya çempionu Maura Vikonkonte intihar edib.
AZƏRTAC İtaliyanın “ilmessaggero.it” saytına istinadla xəbər verir ki, ölkənin 1000 metr məsafəyə qaçış rekordsmeni Turindən şimalda yerləşən Suza şəhərindəki evində özünü asıb.
Maura Vikonkonte Sidneydə keçirilən Yay Olimpiya Oyunlarının iştirakçısı olub.
İdmançı 1990-cı illərdən başlayaraq 2000-ci ilin əvvəlinədək olan dövrdə İtaliyanı təmsil edib. Venesiya, Monte-Karlo, Karpi, Roma, Vyana, Praqa, Napolidə keçirilən marafonların qalibi olub.

Asiman Əsədov
AZƏRTAC-ın xüsusi müxbiri
Roma