Kiyev, 14 fevral, AZƏRTAC

Ukraynada qrip və kəskin respiratorlu virus infeksiyası (KRVİ) epidemioloji həddi aşıb.
AZƏRTAC xəbər verir ki, bu barədə Ukraynanın Səhiyyə Nazirliyinin mətbuat xidməti məlumat yayıb.
Məlumata görə, fevralın 4-dən 10-dək 209 mindən artıq insan qrip və kəskin respiratorlu virus infeksiyasına tutulub. Bunlardan 70,6 faiz 17 yaşa qədər uşaq və yeniyetmələrdir. Bu da epidemioloji normadan 5 faiz çoxdur.
Qeyd edək ki, Ukraynada epidemioloji mövsümdə qrip və kəskin respirator virus infeksiyasından 30 nəfər dünyasını dəyişib.
Səhiyyə Nazirliyi əhalinin qripə qarşı vaksin olunmasını vacib sayır.

Emil Hüseynli
AZƏRTAC-ın xüsusi müxbiri
Kiyev