“Australian Open-2019”: Rojer Federer səkkizdəbir finalda mübarizəni dayandırıb
Bakı, 20 yanvar, Nicat Məmmədov, AZƏRTAC
“Australian Open-2019” turnirinin hazırkı qalibi isveçrəli Rojer Federer səkkizdəbir final mərhələsində Yunanıstan təmsilçisi Stefanos Cıcıpasuyla qarşılaşıb.
AZƏRTAC xəbər verir ki, gərgin keçən görüş 20 yaşlı yunanıstanlı Stefanos Cıcıpasunun qələbəsi ilə başa çatıb (6:7, 7:6, 7:5, 7:6). Qarşılaşma 3 saat 50 dəqiqə davam edib.
Peşəkar Tennis Assosiasiyası (ATP) reytinqində üçüncü pillədə qərarlaşan Rojer Federer “Böyük dəbilqə” seriyasından olan “Australian Open” turnirində 20-ci dəfə iştirak edib. O, bu turnirin altıqat qalibidir.
Stefanos Cıcıpasunun növbəti mərhələdəki rəqibi ispaniyalı Roberto Bautista-Aqus olacaq. O, səkkizdəbir final mərhələsində rusiyalı Karen Xaçanovu məğlub edib.
Qeyd edək ki, “Australian Open” “Böyük dəbilqə” seriyasının 2019-ci ildəki ilk turniridir. Turnirin ümumi mükafat fondu 44,5 milyon dollardır.
Bədii gimnastika üzrə Dünya Kubokunun ilk qalibləri mükafatlandırılıb VİDEO
Bədii gimnastika üzrə Dünya Kuboku: Qrup hərəkətləri üzrə Azərbaycan komandası bürünc medal qazanıb
Premyer Liqa: “Zirə” doğma meydanda “Neftçi”yə qalib gəlib
Azərbaycan gimnastı Bakıdakı Dünya Kubokunda finala yüksəlib
Almaniyanı təmsil edən gimnast: Bakıda yarışmaq mənim üçün xüsusi məna ifadə edir