Gənc nəsil öz qəhrəmanlarını tanımalı, onları heç vaxt unutmamalıdır
Bakı, 20 yanvar, Leyla Qurbanova, AZƏRTAC
Bu gün komanda yoldaşlarım və məşqçilərimizlə birgə 20 Yanvar şəhidlərimizin məzarlarını ziyarət etdik. 20 Yanvar faciəsinin baş verdiyi gün uşaq, qoca, qadın demədən xalqımıza divan tutulub. Onlar müstəqilliyimiz uğrunda şəhid olublar. Bu gün müasir, müstəqil Azərbaycan dünyanın sürətlə inkişaf edən və ən gözəl ölkələrindən birinə çevrilib. Şəhidlərimiz Azərbaycanı bu cür müstəqil və firavan görmək istəyiblər.
Bu sözləri yanvarın 20-də qəhrəman Vətən övladlarının xatirəsini yad etmək üçün Şəhidlər xiyabanını ziyarət edən “Təhsil” İdman Mərkəzinin cüdoçusu, 202 nömrəli tam orta məktəbin 11-ci sinif şagirdi Elşən Ağəliyev deyib. Bildirib ki, təkcə 20 yanvar günü deyil, digər vaxtlarda da Şəhidlər xiyabanını ziyarət edir: “Düşünürəm ki, gənc nəsil öz qəhrəmanlarını tanımalı, onları heç vaxt unutmamalıdır. Buraya təkcə bu gün deyil, həmişə gəlmək lazımdır. Şəhidlərimizin qəhrəmanlığı, vətənsevərliyi bizim üçün nümunə olmalıdır. Hazırda torpaqlarımız düşmən tapdağı altında olsa da, onun tezliklə azad ediləcəyinə inanırıq”.
Latviyada Xocalı qurbanlarının xatirəsinə həsr edilmiş anım konserti keçirilib
Parisdə 20 Yanvar faciəsi qurbanlarının xatirəsi anılıb VİDEO
Səudiyyə Ərəbistanın nüfuzlu qəzeti 20 Yanvar faciəsindən yazıb
“Azərbaycan xalqının hüzn və şərəf günü – 20 Yanvar” xarici mediada
20 Yanvar faciəsi Özbəkistan mətbuatında geniş şəkildə işıqlandırılıb