Azərbaycan Dövlət
İnformasiya Agentliyi

A
A
A
Sazlamalar

Azərbaycan diasporu Yunanıstanda 20 Yanvar faciəsi ilə bağlı tədbir keçirib

Afina, 20 yanvar, AZƏRTAC

20 Yanvar faciəsinin iyirmi doqquzuncu ildönümü ilə əlaqədar "QALA" Yunanıstan-Azərbaycan Dostluq Cəmiyyətinin ofisində anım günü keçirilib.
Əvvəlcə şəhidlərimizin ruhu bir dəqiqəlik sükutla yad edilib.
Cəmiyyətin sədri Rəşid Məmmədov 20 Yanvar hadisələri barədə geniş məlumat verərək, həmin gecənin Azərbaycan tarixində azadlıq və müstəqillik uğrunda qəhrəmanlıq səhifəsi, oyanış günü olduğunu vurğulayıb.
Tədbirdə Yunanıstanda yaşayan həmvətənlərimizlə yanaşı, türk gənclər və əcnəbi tələbələr də iştirak edib.
20 Yanvar hadisələrini şərh edən sənədli film nümayiş olunub və ehsan süfrəsi ətrafında müzakirələr aparılıb.

 

İqbal Hacıyev

AZƏRTAC-ın xüsusi müxbiri
Afina

20 yanvar 2019-01-20 03:50:00