Abşeron rayonunda 20 Yanvar şəhidlərinin xatirəsi anılıb
Xırdalan, 20 yanvar, Ətrabə Rzayeva, AZƏRTAC
Abşeron rayonunda 20 Yanvar faciəsinin 29–cu ildönümündə şəhidlərin əziz xatirəsi dərin ehtiramla yad edilib.
Xırdalan səhərində şəhidlərin xatirəsinə ucaldılan abidə kompleksinin qarşısında keçirilən tədbirdə rayon icra hakimiyyətinin başçısı İradə Gülməmmədova, rayon hüquq-mühafizə orqanlarının və icra strukturlarının rəhbərləri, ictimaiyyət nümayəndələri, 20 Yanvar şəhidlərinin ailələri, faciədə əlil olmuş şəxslər, müəllim və şagirdlər iştirak ediblər.
AZƏRTAC xəbər verir ki, şəhidlərin xatirəsi bir dəqiqəlik sükutla yad olunub.
Anım mərasimində Azərbaycan xalqına qarşı həyata keçirilən vəhşi terror aktı haqqında məlumat verilib. Bildirilib ki, kütləvi terror nəticəsində yüzlərlə günahsız insan qətlə yetirilib və yaralanıb.
Sonra rayon mədəniyyət şöbəsinin özfəaliyyət kollektivlərinin səhnələşdirdiyi kompozisiya təqdim olunub.
Mərasimdən sonra rayon ictimaiyyətinin nümayəndələri "Şəhidlər" abidə kompleksi önünə tər çiçəklər düzüblər.
Latviyada Xocalı qurbanlarının xatirəsinə həsr edilmiş anım konserti keçirilib
Parisdə 20 Yanvar faciəsi qurbanlarının xatirəsi anılıb VİDEO
Səudiyyə Ərəbistanın nüfuzlu qəzeti 20 Yanvar faciəsindən yazıb
“Azərbaycan xalqının hüzn və şərəf günü – 20 Yanvar” xarici mediada
20 Yanvar faciəsi Özbəkistan mətbuatında geniş şəkildə işıqlandırılıb