Bakı, 19 yanvar, AZƏRTAC 

Dövlət İmtahan Mərkəzi (DİM) tərəfindən dövlət qulluğunda inzibati vəzifələrin A növünün (inzibati rəhbər vəzifələr) AA, AB və AC qruplarına uyğun olan vəzifələr üzrə yanvarın 27-də keçiriləcək test imtahanında iştirak etmək üçün qeydiyyat davam edir.
DİM-dən AZƏRTAC-a bildirilib ki, yanvarın 19-na olan məlumata görə, 36 nəfər qeydiyyatdan keçib.
İmtahan kompüter vasitəsilə aparılacaq. İmtahan Bakı şəhəri, Nəsimi rayonu, Əbdülvahab Salamzadə küçəsi, 28 (keçmiş Bakı Asiya Universitetinin binası) ünvanında keçiriləcək.
Xatırladaq ki, qeydiyyat yanvarın 25-i saat 17:00-da başa çatacaq.