Filippinin ən zəngin adamı vəfat edib
Tokio, 19 yanvar, AZƏRTAC
Filippinin ən zəngin adamı, pərakəndə satış üzrə maqnat və “SM Investments Corporation” (SMIC) şirkətinin fəxri sədri Henri Si yanvarın 19-da 96 yaşında vəfat edib.
AZƏRTAC xəbər verir ki, bu barədə “The Philippine Star” qəzeti məlumat yayıb. H.Sinin ölümü barədə SMIC şirkəti rəsmi bəyanat yayıb və bunu onun ailəsi təsdiq edib.
Məlumatda qeyd edilir ki, 18,3 milyard dollar dəyərində sərvətə malik olan Henri Si 2018-ci ildə “Forbes”in versiyasına görə Filippinin ən zəngin adamı elan edilib.
H.Si biznes-maqnat, investor və filantrop kimi tanınıb. O, daşınmaz əmlak, bankinq, təhsil, səhiyyə və digər sahələrdə çalışıb, “SM Prime Holdings” şirkətinin təsisçisi olub.
Vüqar Ağayev
AZƏRTAC-ın xüsusi müxbiri
Tokio
Bir ay tam yuxu alan insanlar özlərini 6 yaş cavan hiss edirlər - Araşdırma
Brüsseldə zorakılıq halları nəzarətdən çıxır
Türkiyə 10 illik fasilədən sonra Liviyaya uçuşları bərpa edib
Uşaqlıq və yeniyetməlik dövründə oturaq həyat tərzi damar sərtliyini artıra bilər
Pentaqon: Rusiya ABŞ-ın terror aktı ilə bağlı xəbərdarlığına məhəl qoymayıb