Şəhidlər ölməz, Vətən bölünməz
Bakı, 19 yanvar, AZƏRTAC
Bakı Şəhər Mədəniyyət Baş İdarəsinin Hüseyn Sarabski adına Mədəniyyət evində Nəsimi Rayon İcra Hakimiyyəti ilə birgə 20 Yanvar faciəsinə həsr olunmuş “Şəhidlər ölməz, Vətən bölünməz” adlı tədbir keçirilib.
Baş İdarədən AZƏRTAC-a bildirilib ki, tədbirdə Nəsimi rayonunda fəaliyyət göstərən idarə və müəssisələrin rəhbər işçiləri və şəhid ailələri iştirak ediblər.
Tədbirdə Bakı Şəhər Nəsimi Rayon İcra Hakimiyyətinin başçısı Asif Əsgərov 20 Yanvarın Azərbaycan tarixinin qan yaddaşına yazılmış qəhrəmanlıq salnaməsi olduğunu söyləyib. O, şəhidlərimizin qanının hədər yerə axmadığını, həmin qanlar bahasına bugünkü azadlığımızın, müstəqilliyimizin, dövlət quruculuğumuzun, qüdrətli Azərbaycanın bünövrəsinin qoyulduğunu, gələcək nəsillərin də onları böyük ehtiramla xatırlayacaqlarını qeyd edib.
Sonra Mədəniyyət evinin xalq teatr kollektivi ədəbi-bədii kompozisiya ilə çıxış edib.
Latviyada Xocalı qurbanlarının xatirəsinə həsr edilmiş anım konserti keçirilib
Parisdə 20 Yanvar faciəsi qurbanlarının xatirəsi anılıb VİDEO
Səudiyyə Ərəbistanın nüfuzlu qəzeti 20 Yanvar faciəsindən yazıb
“Azərbaycan xalqının hüzn və şərəf günü – 20 Yanvar” xarici mediada
20 Yanvar faciəsi Özbəkistan mətbuatında geniş şəkildə işıqlandırılıb