Ankarada TürkPA-nın meşələrin təbii sərvətlərinin qorunmasına dair seminarı keçiriləcək
Bakı, 18 yanvar, AZƏRTAC
Milli Məclisin səhiyyə komitəsinin sədri Əhliman Əmiraslanov Türkdilli Ölkələrin Parlament Assambleyasının “Meşələrin təbii sərvətlərinin qorunması və təbii sərvətlərin ekoloji cəhətdən səmərəli istifadəsi: qanunvericilik və təcrübə” mövzusuna həsr olunmuş seminarında iştirak etmək üçün yanvarın 21-dən Türkiyənin paytaxtı Ankarada səfərdə olacaq.
Bu barədə AZƏRTAC-a Milli Məclisin mətbuat xidmətindən məlumat verilib.
Əhliman Əmiraslanovun moderatorluğu ilə onun rəhbərlik etdiyi TürkPA-nın Ətraf mühit və təbii ehtiyatlar komissiyasında keçiriləcək “Meşələrin təbii sərvətlərinin qorunması: qanunvericilik və təcrübə” adlı sessiyada Azərbaycan, Qazaxıstan, Qırğızıstan və Türkiyədən olan iştirakçılar tərəfindən mövzu ilə bağlı təqdimatlar ediləcək, geniş fikir mübadiləsi aparılacaq. Seminar çərçivəsində, həmçinin “Təbii sərvətlərin ekoloji cəhətdən səmərəli istifadəsi: qanunvericilik və təcrübə” adlı sessiya da keçiriləcək.
Səfər zamanı nümayəndə heyətlərinin Türkiyədə fəaliyyət göstərən aidiyyəti qurumlarla tanışlığı da nəzərdə tutulub.
Qeyd olunan tədbirlərdə ölkəmizin yuxarıda adı çəkilən sahələr üzrə mütəxəssislərdən ibarət ekspert qrupu da iştirak edəcək.
Səfər yanvarın 24-də başa çatacaq.
Fövqəladə Hallar Nazirliyi tərəfindən daha bir qanunsuz tikili sökülüb
Azərbaycanda hansı şəxslərin təhsil haqqı dövlət vəsaiti hesabına ödəniləcək?
İnzibati Xətalar Məcəlləsinin bir sıra maddələri üzrə cərimələrin məbləği artırılır
Cinayət-Prosessual Məcəlləyə təklif edilən bir sıra dəyişikliklər təsdiqlənib
Hüquqşünas kimi 5 ildən artıq işləyən Azərbaycan vətəndaşları hakim ola biləcəklər