Bakı, 18 yanvar, AZƏRTAC
İngiltərənin “Mançester Yunayted” klubunun yarımmüdafiəçisi Maruan Fellaini zədələnib.
AZƏRTAC klubun rəsmi saytına istinadla xəbər verir ki, 31 yaşlı belçikalı futbolçu məşq zamanı ayağından zədələndiyinə görə, 1 ay yaşıl meydanlardan kənarda qalacaq.
Qeyd edək ki, Fellaini cari mövsümdə klubda keçirdiyi 21 oyunda 2 qol vurub və iki məhsuldar ötürmə edib. Yarımmüdafiəçi Belçika millisinin heyətində isə 87 görüş keçirib və 18 qolun müəllifi olub.