Ağsu dolayları qardan təmizlənsə də, gecə yollar buz bağlaya bilər
Ağsu, 18 yanvar, AZƏRTAC
Yanvarın 16-17-də yağan qar Bakı-Şamaxı-Yevlax magistral yolunun Ağsu dolaylarından keçən 142-150-ci kilometrində avtomobillərin hərəkətində çətinliklər yaradıb.
AZƏRTAC-ın bölgə müxbiri xəbər verir ki, dolaylarda qarın qalınlığı 15 santimetrədək çatır.
Azərbaycan Avtomobil Yolları Dövlət Agentliyinin 4 nömrəli “Magistral yolların istismarı” MMC-nin Ağsu rayonu üzrə sahəsinin işçiləri günorta saatlarınadək dolayların qardan təmizlənməsini başa çatdırıblar. Buna baxmayaraq, dolaylar hərəkət üçün təhlükəli olaraq qalır. Xüsusilə gecə yolların buz bağlayacağı təhlükəsi var. Buna görə də sürücülərə zəruri hallar olmadan, xüsusilə gecə Ağsu dolayları ilə hərəkət etməmək məsləhət görülür.
Dövlət Su Ehtiyatları Agentliyinin sədri Zaqatalada vətəndaşlarla görüşüb
“Aztelekom” tərəfindən Oğuz rayonunun 97 faizi yüksəksürətli internetlə əhatə olunub
Füzulidə keçirilən tibbi aksiyanın ilk günündə 100-dən çox sakin oftalmoloji müayinə olunub
“Aqroservis” ASC-nin İdarə Heyətinin sədri İmişlidə vətəndaşlarla görüşəcək