Balakəndə şahmat turnirinə start verilib
Balakən, 17 yanvar, Mustafa Dadaşov, AZƏRTAC
Balakən rayon Uşaq-Gənclər İdman-Şahmat Məktəbində 20 Yanvar şəhidlərinin xatirəsinə həsr olunan yeniyetmələr arasında şahmat turniri başlayıb. Turnirdə 3 yaş qrupunda 73 şahmatçı oğlan və qız mübarizə aparır.
Bu barədə AZƏRTAC-ın bölgə müxbirinə rayon gənclər və idman idarəsindən məlumat verilib.
Yarışdan öncə Vətənimizin azadlığı və müstəqilliyi uğrunda canlarından keçən şəhidlərin xatirəsi bir dəqiqəlik sükutla yad edilib. Sonra yarışa start verilib.
Turnirə yanvarın 19-da yekun vurulacaq.
Sabirabadda yol qəzası olub, iki nəfər xəsarət alıb
Göyçayda yol qəzası baş verib, xəsarət alanlar var VİDEO
Naxçıvandan Qarabağa yollanan şəhid ailələri Füzuli rayonunda olublar