Tariximiz milli dəyərimizdir
Bakı, 16 yanvar, AZƏRTAC
Bakı Şəhər Mədəniyyət Baş İdarəsinin Yasamal rayon Heydər Əliyev Mərkəzində Yasamal rayon Gənclər İdarəsinin birgə təşkilatçılığı ilə 20 Yanvar şəhidlərinin xatirəsinə həsr olunmuş “Tariximiz milli dəyərimizdir” mövzusunda tədbir keçirilib.
Baş İdarədən AZƏRTAC-a bildirilib ki, tədbir iştirakçıları əvvəlcə mərkəzin “Muzey” bölməsi ilə tanış olduqdan sonra ulu öndər Heydər Əliyevin büstünü ziyarət edərək əziz xatirəsini yad ediblər.
Sonra Dövlət himni səsləndirilib, 20 Yanvar şəhidlərinin əziz xatirəsi bir dəqiqəlik sükutla yad olunub.
Tədbiri giriş sözü ilə mərkəzin əməkdaşı Azər Zeynalzadə açaraq qeyd edib ki, 20 Yanvar qırğını nə qədər faciəli olsa da, Azərbaycan xalqının iradəsini, milli azadlıq uğrunda mübarizə əzmini qıra bilmədi. Həmin dəhşətli gecədə həlak olan Vətən oğulları tariximizə parlaq səhifə yazaraq xalqın milli azadlığı, müstəqilliyi üçün yol açıblar.
Sonda şəhidlərin xatirəsinə həsr olunmuş “Tariximiz milli dəyərimizdir” adlı film təqdim edilib.
Xətai Sənət Mərkəzində “Müşahidələrin fraqmentləri” adlı fərdi sərgi açılıb
Haaqada UNESCO üzrə Azərbaycan Respublikasının Milli Komissiyasının 30 illik yubileyi qeyd edilib
Bakıda Qırğız Mədəniyyəti Günləri keçiriləcək
“Xalqın mədəni sərvəti” layihəsi çərçivəsində regionlarda növbəti konsert təşkil edilib
“BakuOperArt” “Sərhədsiz Puşkin” adlı ədəbi-musiqili layihə təqdim edir