AQTA dabaq xəstəliyi ilə bağlı xəbərdarlıq edib
Bakı, 16 yanvar, AZƏRTAC
Başqa ölkələrdən Azərbaycan ərazisinə keçə biləcək yoluxucu heyvan xəstəliklərindən qorunmaq məqsədilə Qida Təhlükəsizliyi Agentliyi əhaliyə xəbərdarlıq edib.
Agentliyin mətbuat xidmətindən AZƏRTAC-a verilən məlumata görə, xəbərdarlıqda deyilir: “Ümumdünya Heyvan Sağlamlığı Təşkilatı tərəfindən Rusiya Federasiyasının Primorsk vilayətinin Mixaylovski rayonunda dabaq xəstəliyi qeydə alınıb. Bununla əlaqədar olaraq, Rusiya Federasiyasının Primorsk vilayətindən heyvan və heyvan mənşəli məhsulların idxalına müvəqqəti məhdudiyyət qoyulması qərara alınıb”.
Xəbərdarlıqda qeyd olunur ki, nəzarət tədbirlərinin gücləndirilməsi üçün agentlik tərəfindən Primorsk vilayətindən gələn və ya həmin ərazidən tranzit keçən nəqliyyat vasitələrinin gömrük keçid məntəqələrində dezinfeksiya edilməsi ilə əlaqədar Dövlət Gömrük Komitəsinə aidiyyətı üzrə müraciət olunub.
Tahir Rzayev: Qida təhlükəsizliyini bir təşkilatla yekunlaşdırmaq düzgün deyil
Azyaşlı qıza hədə-qorxu gələrək qızıl-zinət əşyalarını talayan iki nəfər saxlanılıb
DİN: Ötən gün 2,3 kiloqramdan çox narkotik vasitə aşkarlanıb
Bakıda ümumşəhər iməciliyi və ağacəkmə aksiyası keçiriləcək
DİN: Ötən gün xeyli qanunsuz odlu silah aşkarlanaraq götürülüb