Ukrayna Elm və Texnologiya Mərkəzi doktorluq tədqiqat qrantı proqramı elan edib
Bakı, 15 yanvar, AZƏRTAC
Ukrayna Elm və Texnologiya Mərkəzi (UETM) 2019-cu il üçün doktorluq tədqiqat qrantı proqramı elan edib.
AMEA-dan AZƏRTAC-a bildirilib ki, tədqiqat kimyəvi, bioloji, radioloji və ya nüvə silahlarının inkişafı və istiqamətləri, strateji ticarət nəzarəti, milli və beynəlxalq ticarət nəzarəti sistemləri kimi sahələri əhatə edir.
Proqramda Azərbaycan, Ukrayna, Gürcüstan və Moldova universitetlərində magistr dərəcəsi almış tələbələr (vətəndaşlığından asılı olmayaraq) iştirak edə bilərlər. Müraciət etmək istəyənlər Avropa İttifaqı (Aİ) və ya Avropa İqtisadi Zonası (AİZ) universitetlərinin doktorluq proqramında qeydiyyatdan keçərək iki elmi rəhbər seçməlidirlər. Elmi rəhbərlərdən biri Aİ və ya AİZ tərəfdən, digəri isə Azərbaycan, Ukrayna, Gürcüstan və ya Moldova tərəfdən olmalıdır.
Müraciətlər aprelin 15-dək qəbul olunur.
Daha ətraflı məlumatı http://www.stcu.int/news/index.php?id=488 linkində əldə etmək mümkündür.
“Başlanğıcdan günümüzə Türkiyə-Azərbaycan əlaqələri” kitabı təqdim edilib
Yeni maarifləndirici təşəbbüs: “1 sual, 1 cavab”
Azərbaycan ilə Türkiyə məktəbləri arasında əməkdaşlıq müqaviləsi imzalanıb
“Azərbaycan ədəbiyyatşünaslıq elmi müstəqillik illərində (1991-2023)” – yeni nəşr