Qarabağ müharibəsi veteranına qohumunun böyrəyi köçürülüb
Bakı, 15 yanvar, AZƏRTAC
Respublika Müalicəvi Diaqnostika Mərkəzinin böyrək xəstəlikləri və transplantologiya şöbəsinin müdiri, tibb üzrə fəlsəfə doktoru Rəşad Şolan unikal böyrəkköçürmə əməliyyatı yerinə yetirib.
Mərkəzdən AZƏRTAC-a verilən məlumata görə, Qarabağ müharibəsi veteranı olan xəstənin artıq çəkidə və patoloji piylənməyə malik olması əməliyyatı daha da mürəkkəbləşdirib. Cərrahın dediyinə görə, həm onun, həm də donorun immunoloji uyğunluğunda ciddi risklər var idi.
Şöbənin nefroloqu Nərgiz Baxşəliyeva deyib: “Konsiliumdan sonra böyrəyin köçürülməsinə qərar verdik. Bütün anatomik çətinliklərə və immunoloji maneələrə baxmayaraq, cərrah Rəşad Şolanın məharəti nəticəsində əməliyyat uğurla keçdi. Hazırda köçürülmüş böyrək normal işləyir, resipiyent və donorun vəziyyəti yaxşıdır”.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar