Bakı, 15 yanvar, Nihad Budaqov, AZƏRTAC

Böyük Britaniyanın bank nəhəngi “HSBC” “Brent” markalı xam neftin qiyməti üzrə proqnozunu aşağı salıb.
AZƏRTAC banka istinadla xəbər verir ki, “HSBC” cari ildə “Brent”in bir barrelinin orta qiymətinin 64 dollar olacağını nəzərdə tutur. Bank əvvəlki proqnozunda 2019-cu il üzrə “Brent” neftinin qiymətinin 80 dollar/barrel təşkil edəcəyini proqnozlaşdırırdı.
Banka görə, qlobal iqtisadiyyata dair proqnozlar qeyri-müəyyən qalmaqda davam edir. Həmçinin ABŞ-da neft istehsalının artması və tələbatdakı qeyri-müəyyənliklər qiymətə dair proqnozun aşağı salınmasına təsir edən amillərdir.