“Gənc aktyorlar” dərnəyi tamaşa təqdim edib
Bakı, 14 yanvar, AZƏRTAC
Təhsil Nazirliyinin 3 nömrəli Uşaq-Gənclər İnkişaf Mərkəzinin “Gənc aktyorlar” dərnəyinin rəhbəri Xanım İsmayılova görkəmli şair, yazıçı və dramaturq Abdulla Şaiqin “Danışan kukla” pyesini tamaşaya qoyub.
Təhsil Nazirliyindən AZƏRTAC-a bildiriblər ki, tədbirin əvvəlində A.Şaiqin həyat və yaradıcılığı haqqında videoçarx nümayiş olunub. Sonra gənc aktyorlar hazırladıqları tamaşanı nümayiş etdiriblər.
Tədbirdə Abdulla Şaiqin ev-muzeyinin direktoru və yazıçının nəvəsi Ülkər Talıbzadə, Firudin bəy Köçərli adına Respublika Uşaq Kitabxanasının əməkdaşları və “ARB Günəş” televiziya kanalının əməkdaşları iştirak ediblər.
Narva Estoniya Dövlət Gimnaziyasında Azərbaycan mədəniyyətini tanıdan dərslər təşkil edilib
AMEA-da “Dostluğun siması” sənədli filminin və “Heydər Əliyev – Gürcüstan” kitabının təqdimatı olub