Şəkidə yeni təhsil proqramları üzrə hazırlıq kursları təşkil ediləcək
Bakı, 14 yanvar, AZƏRTAC
Dövlət İmtahan Mərkəzi yanvarın 19-da saat 10:30-da Şəki şəhərində (Füzuli küçəsi, 45, nömrəli tam orta məktəb) Azərbaycan dili, fizika, biologiya, tarix, ingilis dili və kimya fənlərindən yeni təhsil proqramları (kurikulumlar) üzrə qiymətləndirmə tapşırıqlarının hazırlanması və onların meyarlar əsasında yoxlanılmasına (marker) dair hazırlıq kursları, alman və fransız dili fənləri üzrə isə elmi-metodiki seminarlar təşkil edəcək.
Mərkəzdən AZƏRTAC-a bildirilib ki, hazırlıq kurslarında yalnız elektron qeydiyyatdan keçmiş, ixtisası müvafiq fənlərə uyğun müəllimlər, metodistlər, pedaqojiyönümlü ali təhsil müəssisələrinin bakalavriat səviyyəsinin müvafiq fənn üzrə təhsil alan axırıncı kurs tələbələri və həmin müəssisələrdə təhsil alan magistrlər, elmi-metodik seminarlarda isə müvafiq fənn müəllimləri iştirak edə bilərlər.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır