Kollec müəllimləri üçün UNEC-də təlimlər: “Sahibkarlığın əsasları”
Bakı, 14 yanvar, AZƏRTAC
Azərbaycan Dövlət İqtisad Universitetində (UNEC) Təhsil Nazirliyinin tabeliyində fəaliyyət göstərən kolleclərin müəllimlərinə “Sahibkarlığın əsasları” mövzusunda təlimlər keçirilir.
UNEC-dən AZƏRTAC-a bildirilib ki, müəllimlərlə görüşən biznes və menecment fakültəsinin dekanı, dosent Mirağa Əhmədov universitetdə təlimlərin keçirilməsi üçün müvafiq şəraitin yaradıldığını diqqətə çatdırıb.
Qeyd olunub ki, beş gün davam edəcək təlimlərdə 37 kollecdən 50 müəllim iştirak edir. Onlara sahibkarlıq mühiti, kiçik və orta sahibkarlıq fəaliyyəti, innovasiya sahibkarlığı, sahibkarlıq fəaliyyətində risklər, vergiqoyma və bu istiqamətdə digər mövzular barədə məlumat verilir. Təlim iştirakçıları 4 saylı tədris binasında fəaliyyət göstərən kitabxana ilə yanaşı, 24/7 kitabxanasından da istifadə edə biləcək, eyni zamanda, zəruri materiallarla təmin olunacaqlar.
Audiovizual Şura BDU-da “Media subyektləri” mövzusunda seminar keçirib
Kimya elminə dair yeni kitab nəşrə hazırlanıb
Polşalı professorlar BMU tələbələrinə mühazirə oxuyublar
Tələbələr Dendrologiya İnstitutunda istehsalat təcrübəsinə başlayıblar
Aşqarlar Kimyası İnstitutuna yaradıcı gənclərin ekskursiyası təşkil olunub