“SABAH” tələbələri xüsusi təqaüdə layiq görülüblər
Bakı, 14 yanvar, AZƏRTAC
Təhsil Nazirliyinin “SABAH” qruplarının Karyera Akademiyası çərçivəsində tərəfdaşı olan “GoldenPay” şirkəti “SABAH” tələbələri üçün xüsusi təqaüd ayırıb.
Nazirlikdən AZƏRTAC-a bildiriblər ki, təqaüd informasiya texnologiyaları və iqtisadiyyat istiqamətli ixtisaslar üzrə təhsil alan III kurs tələbələri üçün nəzərdə tutulur. Müsabiqədə iştirak etmiş 49 tələbədən Azərbaycan Dövlət İqtisad Universitetinin tələbəsi Əsgər Nağıyev və Azərbaycan Texniki Universitetinin tələbələri Emin Məhəmmədi və Samir Əliyev təqaüdə layiq görülüblər.
Qalib tələbələr 2018-2019-cu tədris ilinin sonunadək aylıq 150 manat məbləğində təqaüd alacaqlar.
Qeyd edək ki, müsabiqə Azərbaycanda ilk onlayn ödəmə xidməti olan Hesab.az platformasını yaratmış “GoldenPay” şirkətinin təşəbbüsü ilə təşkil edilib.
BDU-nun Qazax filialında inklüziv təhsilə dair beynəlxalq konfransın regional bölməsinin iclası olub
IV Azərbaycan Astronomiya Olimpiadasının final mərhələsi keçirilib
“Sabahın alimləri” müsabiqəsində Biləsuvar Təhsil Kompleksinin 6 şagirdi uğur qazanıb
“IT sahəsindəki yolum” mövzusunda təcrübə sessiyasının keçirilməsi planlaşdırılır