“Qəbələ” klubu gürcüstanlı futbolçunu transfer edib
Bakı, 11 yanvar, AZƏRTAC
2018-2019-cu illər mövsümünün ikinci yarısının hazırlıqlarını Bakıda davam etdirən “Qəbələ” qış fasiləsində ikinci transferini gerçəkləşdirib.
AZƏRTAC xəbər verir ki, “Qırmızı-qaralar” gürcüstanlı futbolçu Davit Volkovini heyətinə qatıb. İyirmi dörd yaşlı hücumçu ilə birillik müqavilə imzalanıb.
Sonuncu klubu “Saburtalo” olan Volkovi 2017-ci ildə bu komandaya transfer edilib. Hücumçu buna qədər Gürcüstanda “Qaqra”, “Dinamo” (Tbilisi), həmçinin icarə əsasında “Dinamo-2”, “Çixura” və “Sioni”də çıxış edib. O, 2017-ci ildə Serbiyanın “Zemun” klubunda legioner həyatı yaşayıb.
Xatırladaq ki, “Qəbələ” bunadək Azərbaycan millisinin qapıçısı Anar Nəzirovu transfer edib.
Azərbaycan parabadmintonçusu beynəlxalq turnirdə yarımfinala yüksəlib
Bakıda bədii gimnastika üzrə Dünya Kubokunun açılış mərasimi olub
Premyer Liqa: “Sumqayıt” Tovuzda vacib üç xalı qazanıb
FHN-nin qurumları arasında stolüstü tennis üzrə çempionata yekun vurulub
Konfrans Liqası: Türkiyəli futbolçunun vurduğu qol ən yaxşı seçilib