“Toyota” XXI əsrin əlil arabalarının ixtirası üçün müsabiqənin finalçılarını təqdim edib
Bakı, 11 yanvar, AZƏRTAC
“Toyota” şirkəti “Mobility Unlimited Challenge” müsabiqəsinin finalçılarının siyahısını açıqlayıb. Fiziki imkanları məhdud olan insanların hərəkətinin təmin edilməsinin daha mütərəqqi variantlarının tapılmasına həsr olunmuş müsabiqə üç il davam edib. AZƏRTAC xəbər verir ki, 4 milyon dollar məbləğində mükafat fondu daha rahat əlil arabası ixtira edənlər üçün nəzərdə tutulub.
Layihələr siyahısından beş ən perspektivlisi seçilib. İndi müsabiqənin ən mürəkkəb hissəsi keçirilməlidir. Öz ixtiralarının praktiki nümunəsini yaratmaq və onu real şəraitdə sınaqdan keçirmək üçün layihə sahiblərinin hər birinə 500 min dollar vəsait veriləcək. Bunun üçün finalçılara 2 ildən az vaxt ayrılıb. Müsabiqəyə 2020-ci ildə yekun vurulacaq. Qalibi bir milyon dollar məbləğində mükafat və tarixə düşmək üçün potensial şans gözləyir. Həmin il Paralimpiya Oyunları keçiriləcək. Odur ki, müxtəlif ölkələrdən olan əlil idmançılara yeni hərəkət vasitələri lazım gələ bilər.
Ötən həftə Azərbaycanda COVID-19 əleyhinə 70 doza vaksin vurulub
Ötən həftə Azərbaycanda COVID-19 infeksiyasına 111 yoluxma faktı qeydə alınıb
COVID-19-un yeni variantı daha yüksək mutasiya qabiliyyətinə malikdir
COVID-19-un EQ.5 mutasiyasından qorunmaq üçün sadə gigiyenik qaydalara əməl etmək lazımdır
Çexiyalı kardioloqlar aritmiyanın müalicəsində yeni üsul hazırlayıblar