Portuqaliyanın kosmik agentliyi 2019-cu ilin mart ayına qədər Azor adalarında fəaliyyətə başlayacaq
Lissabon, 24 dekabr, AZƏRTAC
Portuqaliyanın elm, texnologiyalar və ali təhsil naziri Manuel Eytor bildirib ki, “Portugal Space” kosmik agentliyi növbəti ilin mart ayınadək fəaliyyətə başlayacaq.
Azor adalarındakı Santa-Mariya adasında yerləşən agentlik kosmosda yeni fəaliyyət və biznes sahələrini inkişaf etdirəcək, kiçik peyklərin vasitəsilə Yerin müşahidəsini aparacaq.
AZƏRTAC LUSA informasiya agentliyinə istinadla xəbər verir ki, portuqaliyalı nazir bu agentliyin yaradılmasının onu ölkəsinin Avropa Kosmik Agentliyi və Avropa İttifaqının proqramlarında daha fəal iştirakına şərait yaradacağını bildirib. Onun sözlərinə görə, əsas məqsəd yeni sahələrin yaradılmasına dəstək verilməsi, Portuqaliyada kiçik raket və peyklərin buraxılması və istehsalı ilə bağlı yüksəkixtisaslı peşələrin önə çıxarılmasıdır. Nazir mikropeyklərin topladığı məlumatlardan müxtəlif sahələrdə istifadə olunacağını da əlavə edib.
Portuqaliyalı nazir vurğulayıb ki, “Portugal Space” agentliyinin sayəsində bu sektorda 20 min yeni iş yeri açılacaq və sərmayələrin həcmi 400 milyon avrodan çox olacaq.
Nigar Cəfərli
AZƏRTAC-ın xüsusi müxbiri
Lissabon
Süni intellekt texnologiyalarının iqtisadiyyata transformasiyası problemləri tədqiq olunur
Kvant mexanizmi ilə beyin funksiyalarını sərgiləyən süni zəka modeli yaradılıb
Balaca bir damcı hər şeyi dəyişəcək: nanosensor istehsalında inqilab
Kibertəhlükəsizlikdə sıçrayış: yeni şifrələmə sistemi kompüteri casus proqramlarından qoruyur
Böyük Britaniyada ilk dronlu poçt texnologiyası sınaqdan keçirilib