Fox: Donald Tramp Ağ evdə jurnalistlər üçün ənənəvi yeni il gecəsini ləğv edib
Bakı, 13 dekabr, AZƏRTAC
ABŞ Prezidenti Donald Tramp Ağ evdə jurnalistlər üçün hər il keçirilən ənənəvi yeni il gecəsini ləğv edib.
AZƏRTAC xəbər verir ki, Fox News telekanalının yaydığı məlumata görə, Donald Tramp bu addımı ABŞ-ın əsas informasiya agentlikləri və digər KİV-lərlə münasibətlərinin gərginləşməsi fonunda atıb. On illərdir mütəmadi davam edən və hər il təşkil olunan şam yeməyinə təkcə Ağ evin fəaliyyətini işıqlandıran jurnalistlər deyil, Nyu-Yorkdakı KİV rəhbərləri də gəlirdilər.
Telekanal qeyd edir ki, Donald Tramp və onun həyat yoldaşı Melanya 2017-ci ildə həmin tədbirdə iştirak etmişdilər. Lakin onlar burada çox dayanmamış, fotoşəkil çəkdirmə mərasiminə qatılmamışdılar.
Yeni il gecəsinin ləğv olunması ilə bağlı Ağ evdən hələlik rəsmi bəyanat verilməyib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır