Tbilisi, 13 dekabr, AZƏRTAC

Güclü qar Gürcüstanın bir sıra dağlıq ərazilərində, eləcə də Acarıstan Muxtar Respublikası ərazisində ciddi problemlər yaradıb.
AZƏRTAC xəbər verir ki, bəzi bölgələrə gedən yollar bağlanıb. Acarıstan MR-in Xulo bələdiyyəsinin Danisparauli və Xixadzuri kəndlərində vəziyyət daha acınacaqlıdır. Bu kəndlərdə 350 ailə işıqsız qalıb.
“Energo-Pro Georgia” kompaniyasının briqadaları həmin ərazilərdə təbii fəlakətin nəticələrini aradan qaldırmağa çalışırlar.
Xətayi Əzizov
AZƏRTAC-ın xüsusi müxbiri
Tbilisi