Bakı, 13 dekabr, AZƏRTAC 

Dekabrın 12-də saat 18 radələrində Daxili İşlər Nazirliyinin (DİN) 102 – Zəng Mərkəzinə mobil telefonla zəng vuran şəxs üç ədəd bombanın qoyulması barədə məlumat verib.
DİN-nin mətbuat xidmətindən AZƏRTAC-a bildiriblər ki, məlumatla əlaqədar dərhal müvafiq tədbirlər görülüb. Lakin fakt təsdiqini tapmayıb.
Təxirəsalınmaz əməliyyat-axtarış tədbirləri nəticəsində polisə yalan məlumat verən şəxs - Şəmkir şəhər sakini, əvvəllər məhkum olunmuş Əkbər Həsənov Şəmkir Rayon Polis Şöbəsinin əməkdaşları tərəfindən müəyyən edilərək saxlanılıb. Araşdırmalarla onun ağır dərəcəli sərxoş vəziyyətdə olması müəyyənləşdirilib.
Faktla bağlı araşdırma aparılır.