Tereza Mey: növbədənkənar seçkilər və ikinci Brexit referendumu olmayacaq
Bakı, 12 dekabr, AZƏRTAC
Böyük Britaniyanın Baş naziri Tereza Mey etimadsızlıq votumu təhlükəsinə baxmayaraq, növbədənkənar parlament seçkilərinin və Brexit üzrə təkrar referendumun keçirilməsi imkanlarını istisna edib.
AZƏRTAC bu barədə xarici KİV-lərə istinadla xəbər verir.
“Seçkilərin keçirilməsi milli maraqlara uyğun olmazdı... Biz 2016-cı ildə keçirilmiş referendumun nəticələrinə hörmətlə yanaşmalıyıq”, - Tereza Mey İcmalar Palatasında çıxış edərkən və leyborist deputat Kerri Makkartinin sualını cavablandırarkən belə deyib.
Baş nazir təkrar edib ki, partiya lideri postu uğrunda axıradək mübarizə aparmaq niyyətindədir, etimadsızlıq votumu isə Brexit və Britaniyanın Avropa İttifaqının tərkibindən yekun sazişi olmadan çıxması proseslərinin iflasına səbəb olacaq.
Xatırladaq ki, dekabrın 12-də səhər saatlarında mühafizəkarlar partiyasının rəhbər komitəsi Baş nazirə etimadsızlıq votumu prosedurunun işə salınması üçün deputatlardan lazımi qədər məktub aldığını elan edib. Votum üzrə səsvermə dekabrın 12-də axşam saatlarında baş tutacaq, nəticələri isə yerli vaxtla saat 21:00-da (Bakı vaxtı ilə dekabrın 13-ü saat 01:00) elan ediləcək.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır