Fransa Prezidenti sükutu pozdu, “sarı jiletlər” aksiyasının 5-ci aktına çağırış edildi
Paris, 11 dekabr, AZƏRTAC
“Aranızda bəzilərinizi sözlərimlə yaralamışam”, -deyə Fransa Prezidenti Emmanuel Makron ölkəni bürüyən “Sarı jilet”lər böhranından çıxmaqla bağlı söylədiyi nitqində bildirib.
AZƏRTAC xəbər verir ki, Fransa Prezidenti “sarı jiletlər”in qəzəbini sakitləşdirmək üçün 2019-cu ildən minimum əmək haqqının hər ay 100 avro artırılacağını, əlavə iş saatlarının vergi çıxılmadan ödəniləcəyini, ilin sonunda əlavə bonusun ödənilməsi və təqaüddən çıxılan ümumi sosial verginin (CSG) artmayacağını bildirib.
Prezidentin çıxışı heç də birmənalı qarşılanmayıb. Onun üç həftədir gözlənilən çıxışı istənilən nəticəni verməyib. “Fəth edilməz Fransa” hərəkatının lideri Jan-Lük Melanşon prezidentin “dövrü səhv saldığını” bildirərək, “sarı jiletlər” aksiyasının 5–ci aktına çağırış edib.
Qeyd edək ki, “sarı jiletlər” aksiyası davam edir. Əyalətdə hələ də yolları bağlayan aksiyaçılar ölkə prezidentinin çıxışını aksiya keçirdikləri məkanlarda izləyiblər.
Şəhla Ağalarova
AZƏRTAC-ın xüsusi müxbiri
Barselonada ekstremal quraqlıq hökm sürür
Fransa dövləti və Daxili Təhlükəsizlik Baş İdarəsi məhbusu necə manipulyasiya edib?
ABŞ-ın Ukraynaya yardımının ümumi məbləği 113 milyard dolları keçib
Ən varlı amerikalıların 1 faizinin sərvəti 44,6 trilyon dollara yüksəlib