Hokkaydo prefekturasında birgə Yaponiya-ABŞ hərbi kompüter modelləşməsi təlimləri keçirilir
Tokio, 10 dekabr, AZƏRTAC
Yaponiyanın quru özünümüdafiə qüvvələrinin bölmələri ABŞ ordusu ilə birlikdə Hokkaydo prefekturasında genişmiqyaslı komanda-qərargah kompüter modelləşməsi təlimlərinə başlayıblar.
AZƏRTAC NHK telekanalına istinadla xəbər verir ki, “Yamasakura” adlanan təlimlərdə təqribən 6600 hərbçi iştirak edir.
Təlimlər ABŞ-Yaponiya hərbi qüvvələrinin potensial düşmənin ballistik raketlərin və xüsusi təyinatlı bölmələrin çıxarılması yolu ilə müşayiət olunan hücumuna qarşı müvafiq tədbirlərin gücləndirilməsi məqsədi daşıyır.
Cari ildə təşkil edilən təlimlərdə, həmçinin kiberhücumlara qarşı tədbirlər də görülür. ABŞ silahlı qüvvələrinin bu təlimlərdə iştirak üçün xüsusi bölmələr yaratdığı bildirilir.
Yaponiya hökuməti cari ayın sonlarında müzakirə ediləcək milli müdafiə proqramının direktivlərində kiberməkanın mühafizəsini əsas prioritetlər sahəsinə daxil etməyi planlaşdırır.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır