Ermənistanda növbədənkənar parlament seçkiləri seçici passivliyi şəraitində keçir
Bakı, 9 dekabr, AZƏRTAC
Dekabrın 9-da Ermənistanda keçirilən növbədənkənar parlament seçkilərində seçici passivliyi müşahidə edilməkdədir.
AZƏRTAC xəbər verir ki, saat 14:00-a olan məlumata görə, ölkə əhalisinin yalnız 24,53 faizi seçkilərdə iştirak edib. Bu isə 2017-ci ilin aprelində keçirilmiş seçkilərlə müqayisədə 9 faiz aşağı göstəricidir.
Bundan əlavə, Ermənistan polisinə seçkiqabağı kampaniya pozuntuları ilə bağlı 81 məlumat daxil olub. Məlumatlardan 26-sı açıq şəkildə cinayət tərkiblidir, digər 55-i isə yoxlanılmalıdır.
Hazırda davam edən seçkilər zamanı bir sıra pozuntular qeydə alınıb. Yayılan məlumatlara görə, vətəndaşlara hər hansısa blokun nümayəndələrinə səs vermələri üçün təzyiqlər edilib, seçkilərə nəzarəti həyata keçirmək üçün bəzi rayonlara əlavə polis qüvvələri cəlb olunub.
Gürcüstanda müsəlman icmasına daha 20 məscid veriləcək
Ermənistanda Vladimir Solovyovun verilişlərinin yayımı dayandırılıb
Bill Qeyts: Süni intellekt gələcəkdə asan tapşırıqları da yerinə yetirə bilməyəcək
Türkiyəli nazir: Zəlzələ zonasında 300 min obyekt tikilir
Kiyev və Varşava təhlükəsizlik zəmanəti barədə saziş imzalamağı planlaşdırır