Özbəkistanda gənclərə ailə həyatının əsasları öyrədiləcək
Daşkənd, 8 dekabr, AZƏRTAC
Daşkənddə “Evlənməyə hazırlaşan gənclər üçün innovasiya məktəbi” açılıb.
AZƏRTAC xəbər verir ki, məktəbin təsisçiləri “Oila” Tədqiqat Mərkəzi, Gənclər İttifaqının Mərkəzi Şurası və Özbəkistan Qadınlar Komitəsidir.
Məktəbdə gələcək gəlinlərə və bəylərə ailə münasibətlərinin mənəvi əsasları, ailə təsərrüfatı və büdcə, ailədə sosial mühit, nikah əlaqələri və sağlam həyat tərzi haqqında məlumat verilir.
Gənclərə, həmçinin ailədə yaranan münaqişələrin həlli yolları öyrədilir. Onlar hüquqi münasibətlərlə tanış olurlar. Gənclər öz istəkləri ilə treninqlərə də qoşula və fərdi qaydada mütəxəssislərdən məsləhət ala bilirlər.
Məktəbin yaradılmasından məqsəd nümunəvi və möhkəm ailələrin sayını artırmaqdır.
Qulu Kəngərli
AZƏRTAC-ın xüsusi müxbiri
Daşkənd
Parisdə Olimpiya Oyunlarının açılış mərasimi ləğv edilə bilər
XİN: Macarıstan terrorizmi hər zaman qınayacaq
“Crocus City Hall”dakı terror aktında şübhəli bilinən daha bir nəfər saxlanılıb
Gürcüstanın Bakuriani bölgəsində baş verən qar uçqunu nəticəsində bir nəfər itkin düşüb
Netanyahu HƏMAS-ın “strateji aktivlərinə” həbs qoyulduğunu açıqlayıb