2020-ci ildə ATƏT-ə Albaniya sədrlik edəcək
Vyana, 7 dekabr, AZƏRTAC
Albaniya 2020-ci ildə bir il müddətinə ATƏT-ə sədrlik edəcək.
AZƏRTAC xəbər verir ki, bu barədə məlumat beynəlxalq təşkilatın Nazirlər Şurasının İtaliyanın Milan şəhərində illik iclasında verilib. Norveç 2020-ci ildə təşkilata sədrlik üçün namizədliyini geri götürdükdən sonra, Albaniyanın namizədliyinin bütün iştirakçı dövlətlər tərəfindən dəstəklənəcəyi sual doğururdu. Milanda keçirilən ikigünlük iclasda bu barədə konsensus əldə olunub.
Bu il təşkilata sədrliyi başa çatan İtaliya estafeti Slovakiyaya ötürəcək. İtaliyanın xarici işlər naziri Moavero Milanezi bir il müddətində 57 dövləti öz sıralarında birləşdirən təşkilata sədrlik etdiyinə görə minnətdarlığını bildirib.
Elgün Niftəli
AZƏRTAC-ın xüsusi müxbiri
Vyana
Sırski: Rusiya Xarkova hücum etsə, bura onlar üçün “ölümcül şəhər" olacaq
Rusiya XİN: Ermənistan quru yerdə qala bilər
Harvard Universiteti qədim kitabın cildindən insan dərisini çıxarıb