Tallinn və Helsinki şəhərlərini dənizaltı tunel birləşdirə bilər
Tallinn, 7 dekabr, AZƏRTAC
Estoniyanın paytaxtı Tallinn və Finlandiyanın paytaxtı Helsinki arasında dənizaltı tunelin tikintisi planı reallaşdırıla bilər.
AZƏRTAC xəbər verir ki, Tallinn-Helsinki tunelinin tikintisi iki ölkənin hökumətlərindən başqa, həm də iş adamlarının diqqətini cəlb edir. Tanınmış iş adamı, “Angry Birds” oyununun yaradıcısı Piter Vesterbak bu layihənin icrası üçün artıq ilk investor şirkət tapdığını bəyan edib. Bu BƏƏ-dən olan “Arja Holding” şirkətidir.
Ərəb şirkəti layihəyə 100 milyon avro sərmayə qoymağa hazırdır. Tunelin tikintisinə, ümumilikdə, 20 milyard avro sərmayə tələb olunur.
Aygün Əliyeva
AZƏRTAC-ın xüsusi müxbiri
Tallinn
Ekvadorda enerji böhranı ilə əlaqədar iki ay müddətinə fövqəladə vəziyyət rejimi tətbiq edilib
OLED-displeyləri ilə təchiz edilmiş ilk bank kartı təqdim olunub
Koronavirus infeksiyasının müalicəsi üçün yeni molekul yaradılıb
Bərənin Neapol limanının körpüsünə çırpılması nəticəsində 30-a yaxın insan yaralanıb